Pwy ydym ni Pwy ydym ni
Cyflogwyr Cyflogwyr
Ymgeiswyr Ymgeiswyr
Resources Adnoddau
 
 
  return to home page
 
AdnoddauCysylltupreifatrwyddEnglish

 

Eich Preifatrwydd

Mae Atebion yn darparu gwasanaeth cyfrinachol i gleientiaid ac ymgeiswyr fel ei gilydd. Rydym wedi cofrestru dan y Ddeddf Gwarchod Data. Fel aelod corfforedig o'r Cydffederasiwn Recriwtio a Chyflogi, rydym hefyd yn gweithredu yn unol â'i Gôd Ymarfer Recriwtio Da drwy arwain ein busnes yn foesol a sicrhau'r safonau uchaf posibl.

Rydym yn sicrhau fod pob un o'n staff yn ymwybodol ac yn cydymffurfio â gofynion Deddf Asiantaethau Cyflogi 1973, Rheolau sy'n gysylltiedig â hi, deddfwriaethau perthnasol eraill a chodau statudol, yn cynnwys darpariaethau sy'n ymwneud â chyfleoedd cyfartal a chyflogau cyfartal, trethiant, iechyd a diogelwch, gwarchod data, aelodaeth undebau llafur, mewnfudiad, ailsefydlu troseddwyr, preifatrwydd telathrebu ac amser gweithio.

Gyflogwyr

 Ymgeiswyr

Bydd swyddi gwag a hysbysebir gan ein hasiantaeth yn cael eu trin yn gyfrinachol.

Ni fyddwn yn hysbysebu eich swyddi gwag yn y Wasg neu ar unrhyw we-safle oni bai eich bod chi yn cytuno yn benodol â hynny.

Byddwn yn rhoi gwybod i chi am unrhyw wrthdaro posibl o ran buddiannau cyn ceisio llenwi swydd wag.

Ni fyddwn yn targedu cwmnïau i ddibenion chwilio o fewn 12 mis ar ôl i ni ddarparu gwasanaethau i'r cwmni hwnnw.

Byddwn yn rhoi, neu yn trosglwyddo, manylion am ymgeiswyr, gweithwyr dros dro neu gontract, yn unig gyda golwg ar swyddi gwag a gofrestrwyd neu feysydd o ddiddordeb posibl.

Mae Atebion yn trin gwybodaeth am ymgeiswyr a gweithwyr dros dro yn gyfrinachol ac yn mynnu fod gwybodaeth o'r fath a dderbynnir yn cael ei chyfyngu i'r rhai sy'n gysylltiedig â'r broses o recriwtio a'i thrin yn gyfrinachol bob amser.

Bydd yr wybodaeth sydd gennym amdanoch chi yn cael ei thrin yn gyfrinachol ac eithrio ar gyfer y diben o gyflenwi swydd wag, a byddwn yn annog ein cleientiaid i ymddwyn yn yr un modd.

Ni fyddwn yn gofyn i'ch cyflogwr presennol am dystlythyr heb eich caniatâd. Bydd gwybodaeth a gawn mewn tystlythyr yn cael ei thrin yn gyfrinachol a bydd yn gyfyngedig i'r broses recriwtio.

Byddwn yn gofyn am ganiatâd arbennig gennych cyn i'ch CV, neu unrhyw fanylion personol a allai ddatgelu pwy ydych, gael eu harddangos ar unrhyw we-safle.

Ni fyddwn yn tynnu unrhyw CV oddi ar we-safleoedd i'w harddangos neu eu trosglwyddo i gleientiaid heb ganiatâd arbennig yr ymgeisydd dan sylw. 

Byddwn yn dod i gytundeb â chi ynglyn â'r dull o gyflwyno gwybodaeth amdanoch i gyflogwyr. Ni fyddwn yn datgelu pwy ydych nac yn rhoi manylion swydd a fyddai'n datgelu hyn heb eich caniatâd, oni bai eich bod eisoes wedi rhoi hawl i ni wneud hyn.

Diogelwch ar y Rhyngrwyd

Nid yw’r wefan hon yn derbyn unrhyw fath o dâl ar-lein ac ni fydd unrhyw wybodaeth a roddir ar unrhyw un o’r ffurflenni yn cael ei storio ar y gweinyddwr hwn.

 

 
 
     
 
gyrrwch eich sylwadau Hafan Croeso