Pwy ydym ni Pwy ydym ni
Cyflogwyr Cyflogwyr
Ymgeiswyr Ymgeiswyr
Resources Adnoddau
 
 
  return to home page
 
AdnoddauCysylltupreifatrwyddEnglish

 

Adnoddau

CYNGHORI YNGLŶN Â CHYFWELIAD

Rydym yn treulio oddeutu traean o’n horiau effro yn gweithio, felly mae’n bwysig darganfod swydd lle mae’r cyflogwr a’r ymgeisydd yn ‘cyd-fynd’ yn dda. Nid yw hyn yn rhywbeth hawdd wrth i chi ystyried fod yn rhaid i’r ddau wneud y penderfyniad o fewn amser byr iawn. Yr hyn sy’n hollbwysig, os ydych am gael cyfweliad llwyddiannus, yw paratoi.

Dethol – Ai hon yw’r swydd i mi?
  • Dadansoddwch eich sgiliau, eich gallu, eich cymwysterau, a’ch profiad – a ydynt yn cyd-fynd â gofynion y cyflogwr?
  • Penderfynwch beth yw eich amcanion gyrfaol yn y tymor byr a’r tymor hir – a yw’r swydd yn cyd-fynd â’ch cynllun?
  • Casglwch wybodaeth am y swydd – cysylltwch â’r cwmni i gael mwy o fanylion, neu holwch gyfeillion neu gydweithwyr â chysylltiadau o fewn y cwmni.
  • Casglwch wybodaeth am y cwmni – gofynnwch am ei lenyddiaeth, astudiwch ei wefan. Bydd hyn yn arwydd i’r cyflogwr eich bod yn hunanysgogol ac yn flaengar.
Beth mae Cyflogwyr yn ei ddisgwyl gennych
  • Pwrpas cwmnïau yw gwneud arian – byddant yn disgwyl i chi fod yn gynhyrchiol, hy gwneud mwy o arian neu arbed arian iddynt.
  • Eich bod yn rhannu’r un nod.
  • Presenoldeb da a dibynadwyedd
  • Ymddangosiad proffesiynol
  • Cymhelliad
  • Sgiliau cyfathrebu da.
Cyn y Cyfweliad
  • Mae cyflogwyr yn chwilio am ymgeisydd sydd eisiau’r union swydd y maent yn ei chynnig ac nid unrhyw swydd. Bydd angen i chi roi atebion penodol wrth ateb cwestiynau megis “Pam wnaethoch chi wneud cais am y swydd hon?”
  • Meddyliwch am y swydd dan sylw – am beth mae’r cyflogwr yn chwilio?– nodwch y pwyntiau hyn a meddyliwch am gwestiynau allech chi eu gofyn i’r cyflogwr, pe byddai galw am hynny.
  • Beth allech chi ei gyfrannu i’r cwmni a sut allech chi argyhoeddi’r cyflogwr mai gennych chi mae’r sgiliau a’r profiad gorau ar gyfer y swydd?
  • Ysgrifennwch rai cwestiynau a allai gael eu gofyn i chi a meddyliwch sut y gallwch chi eu hateb mewn ffordd bositif.
  • A oes unrhyw fylchau yn eich CV? Allwch chi eu hegluro mewn ffordd gadarnhaol?
  • Gofynnwch i gyfaill eich helpu drwy chwarae rôl cyfwelydd – bydd hyn yn eich helpu i baratoi at y cyfweliad ar y diwrnod.
  • Darllenwch eich CV a’ch llythyr eglurhaol – mae’n debyg y byddwch yn cael eich holi amdanynt yn y cyfweliad.
  • Sicrhewch eich bod yn gwybod beth fydd trefn y cyfweliad.
  • Gofynnwch am gyfarwyddiadau ynglyn â sut i ddod o hyd i’r cwmni a gofalwch wybod faint o amser fydd hi’n gymryd i deithio yno – cofiwch ganiatáu rhywfaint o amser ychwanegol rhag ofn y bydd oediad annisgwyl ar y ffordd.
Ar y Diwrnod ei hun
  • Sicrhewch fod yr argraff gyntaf a wnewch yn un ffafriol – gofalwch ymddangos yn lân a thrwsiadus.
  • Gwisgwch yn smart – mae’n ddoethach gwisgo mewn dull traddodiadol.
  • Sicrhewch eich bod yn cyrraedd yn brydlon.
  • Cofiwch fynd â chyfarwyddiadau ysgrifenedig a rhif ffôn cysylltu gyda chi er mwyn cysylltu â’r un sy’n cyfweld os byddwch yn cael trafferth i gyrraedd mewn pryd.
  • Ewch â chopïau o’ch CV, portffolio (os yw hyn yn berthnasol) llyfryn nodiadau a beiro.
  • Sicrhewch eich bod yn gwybod enwau’r cyfwelydd(wyr) a defnyddiwch gyfenw(au).
Yn ystod y Cyfweliad
  • Defnyddiwch iaith gorfforol addas drwy gydol y cyfweliad (mae’n ddefnyddiol darllen am hyn ymlaen llaw).
  • Gadewch i’r sawl sy’n cyfweld estyn ei law i chi. Ymatebwch drwy ysgwyd ei law yn gadarn, edrychwch arno, gwenwch a chyflwynwch eich hun drwy ddweud eich enw.
  • Cofiwch ddisgwyl i’r cyfwelydd ddangos i chi ym mhle i eistedd a gadewch iddo ddechrau siarad â chi.
  • Gwrandewch ar y cyfwelydd drwy gydol y cyfweliad ac ymatebwch i’r cwestiynau a ofynnir.
  • Meddyliwch yn ofalus am bob cwestiwn a ofynnir a rhowch ateb ystyriol a pherthnasol.
  • Dangoswch ddiddordeb drwy edrych ar y cyfwelydd, adlewyrchu ei iaith gorfforol a chadw osgo positif.
Pethau na ddylech eu gwneud
  • Bod yn rhy gyfeillgar â’r cyfwelydd, hy peidiwch â defnyddio enwau cyntaf os na ofynnir i chwi wneud hynny.
  • Rhoi gwybodaeth na ofynnwyd amdani i’r cyfwelydd.
  • Trafod materion sensitif megis crefydd, oedran neu hawliau cyfartal.
  • Holi ynglyn â gwyliau, cyflog neu fuddion.
  • Dangos eich bod yn nerfus neu wedi syrffedu.
  • Peidiwch â siarad ar draws y cyfwelydd neu fonopoleiddio’r cyfweliad.
  • Beirniadu cyflogwyr blaenorol.
Pethau y dylech eu gwneud
  • Gofyn cwestiynau positif sy’n dangos fod gennych ddiddordeb yn y cwmni/swydd.
  • Gofalu fod y cwestiynau’n rhai byrion a pherthnasol.
  • Gofyn sut mae’r swydd dan sylw yn cyfrannu tuag at lwyddiant y cwmni.
  • Holi beth fydd y cam nesaf.
  • Cloi’r cyfweliad ar nodyn positif a dweud eich bod yn edrych ymlaen am gael clywed ganddynt.

 

 

 

 
 
     
 
gyrrwch eich sylwadau Hafan Croeso