Pwy ydym ni Pwy ydym ni
Cyflogwyr Cyflogwyr
Ymgeiswyr Ymgeiswyr
Resources Adnoddau
 
 
  return to home page
 
AdnoddauCysylltupreifatrwyddEnglish

 

Storiau llwyddianus
SWYDDI GWAG
Ar Aseiniad
cliciwch

Nid ydych chi erioed wedi gwneud gwaith dros dro o’r blaen dyma’r hyn sydd gan un o’n gweithwyr dros dro llwyddiannus i’w ddweud.

 

Name:
Jayne Buckles
o Rostryfan
 
Aseiniad Presennol:
Rheolwraig / Gweinyddwraig Cleientiaid mewn Cwmni Hyfforddi Rheolwyr ym Mangor.
Fy Niwrnod Cyntaf
Cefais groeso cynnes gan y Rheolwraig-Gyfarwyddwraig. Dangosodd yr adeilad i mi a’m helpu i ymgynefino â’r gweithle. Roedd hi’n hynod o barod i’m helpu a chymerodd gryn amser i egluro busnes y cwmni i mi.
Sut argraff ydych chi’n ei gael o’r cwmni yr ydych yn gweithio ynddo dros dro?

Rydw i’n mwynhau gweithio yn y cwmni yma ac yn mwynhau’r amrywiaeth sy’n gysylltiedig â’m swydd bresennol. Un funud rydw i’n paratoi nodiadau cwrs a’r funud nesaf rydw i’n siarad â’r cleientiaid ac yn rhoi manylion y cyrsiau sydd ar gael iddynt. Ar hyn o bryd rydw i’n astudio Cymraeg mewn dosbarthiadau nos ac rwy’n gallu defnyddio hyn i ryw raddau yn ystod fy niwrnod gwaith. Mae’r staff a’r hyfforddwyr yn hynod o gyfeillgar a hawdd siarad â hwy – mae nhw’n ymwybodol fod rhaid addasu sgiliau unigolion a chynorthwyo pobl i ddeall eu swydd bersonol.
Beth yw eich argraff chi o wneud gwaith dros dro?
Mae gweithio dros dro yn ffordd o asesu’r gweithle a darganfod yr amrywiol fathau o fusnesau sydd yn yr ardal. Rydw i’n mwynhau amrywiaeth y gwaith a’r ffaith fy mod yn gorfod addasu’n gyflym wrth symud o un gweithle i un arall. Mae’r gwaith hefyd yn gymorth i gynnal sgiliau a dysgu rhai newydd, ac mae hyn yn ffordd sicr o’m gwneud yn ‘haws fy ngwerthu’ i ddarpar gyflogwyr.
Ydych chi’n credu y bydd gweithio dros-dro yn eich helpu i ddarganfod gwaith parhaol?
Wrth wneud gwaith dros-dro rydw i’n meddwl eich bod chi’n cael dealltwriaeth ragorol o’r gwahanol weithleoedd a pha swyddi sydd ar gael. Mae’n gymorth hefyd i gynnal sgiliau ac, ar brydiau, i ddysgu rhai newydd. Mae’n beth da hefyd i gyflogwyr weld nad oes gan rywun ofn derbyn sialensiau newydd drwy symud o un gweithle i un arall. Byddwn yn hoffi meddwl fod y swyddi dros-dro ydw i yn eu gwneud yn fy ngwneud yn ‘haws fy ngwerthu’ i ddarpar gyflogwyr pan fyddant yn asesu fy ngheisiadau am swyddi.
Pam Atebion?
Roeddwn wedi gweithio i Asiantaeth Recriwtio yn Ne Lloegr ac roedd Atebion yn cyfateb iddi i’r dim. Pan gefais gyfweliad roedd y staff yn gyfeillgar ac yn gefnogol. Aethant ati’n ddi-oed i asesu’r math o swydd yr oeddwn yn chwilio amdani.

 

 

 
 
     
 
gyrrwch eich sylwadau Hafan Croeso