Ein Gwybodaeth Arbenigol 

Mae gan ein hymgynghorwyr dros 30 mlynedd o brofiad yn y byd recriwtio a chanddynt wybodaeth eang iawn am gwmnïau a chyflogwyr yng Ngogledd Cymru - eu busnes, eu diwylliant a'u harferion recriwtio.

Gwasanaeth Am Ddim 

Ni cheir llawer o bethau am ddim mewn bywyd heddiw, ond mae hyn yn wir am yr holl wasanaethau yr ydym yn eu cynnig i chi - y cwbl fyddwn ni yn ei ddisgwyl gennych chi fydd eich ymroddiad wrth chwilio am waith. 

Cysylltiadau Busnes

Rydym yn cysylltu'n ddyddiol â phrif gwmnïau'r ardal - a phan fydd ganddynt swydd i'w llenwi - maent yn siarad â ni. Daw swyddi newydd i mewn bob dydd ac mae llawer ohonynt yn gyfyngedig i'n hasiantaeth ni ac i chithau. Mae gennym enw ardderchog am leoli staff medrus a chymwys. Mae cyflogwyr Gogledd Cymru yn ymddiried yn ein gallu i ddarparu staff sy'n cyrraedd eu safonau. 

Tîm Cyfeillgar

Eich helpu i gael y swydd newydd hollbwysig honno yw ein prif nod, ond rydym ni yma hefyd i gynnig cymorth, cefnogaeth a chyngor adeiladol, felly peidiwch ag ofni rhoi galwad i ni - mi wnawn ein gorau i chi.

Gwaith Dros Dro 

Cyfle i weithio i amrywiaeth o gwmnïau am gyflogau sylweddol a thâl gwyliau. Byddwch yn dysgu sgiliau newydd, ennill mwy o brofiad a hyder, a bydd eich CV yn creu mwy o argraff pan fyddwch yn ceisio am waith parhaol. Byddwch yn cael eich ystyried yn awtomatig ar gyfer ein swyddi parhaol.

Gwaith Parhaol 

Gallwn ni eich helpu i gael y cyfweliad hollbwysig hwnnw, pa un ai ydych yn chwilio am eich swydd gyntaf neu yn newid swydd. Mae llawer o gwmnïau yn defnyddio ein hasiantaeth ni yn unig ar gyfer recriwtio felly bydd ymuno ag Atebion yn rhoi cyfleoedd ychwanegol i chi.